籌備左年半既婚禮完成喇, 籌備既過程同老公有唔少既磨擦, 不過通過呢d考驗令我了解多左佢, 嫁之前既心情真係好複雜, 始終因為我屋企得我一個女, 我係張家大小姐, 覺得嫁左就會係人地屋企入面身份最低既一個, 但係原來事實係嫁左之後我由小公主升左職做皇后然後又繼續係我爸b既小公主, 哈哈 我地婚禮好順利, 多謝我既一班好姊妹, 多謝我既化妝師Vian 好鐘意Vian幫我整既造型, Vian仲好好人幫我影左好多相添

又好耐無update果自己個日記喇, 懶豬^^

我條眉補左兩次色之後成功左喇, 宜家真係超方便, 化妝快左好多, 落街買無化妝都ok精神, 好開心^^

上幾個星期Gracy去我地公司擺promote, 所以我返左去公司諗住探下Jessicca, 點知有意外收穫, 原來當日唔止Gracy佢地, Quaility Health都有擺檔, 佢地既skin care center offer discount俾我地做激光去斑, 打botox 同做果酸, 我整眉果時已經好想試打C6去斑, 不過好貴所以唔捨得, 好彩比我遇到佢地既promotion, 卓健既平好多同埋係醫生做, 總好過俾咁多錢去美容院做啦, 所以我一個星期後就上左去做左第一次喇, 第一次做覺得好緊張, 因為唔慣果種痛同熱既感覺, 不過見到醫生同個個nurse既皮膚都靚得咁緊要, 幾同我都唔怕^^  醫生度配左一set skin care, 有少少肉痛, 不過反正我都差唔多要買, 返去用過覺得真係唔錯, 醫生仲幫我影左相, 無化妝既我張相嚇親我自己, 哈哈  不過我諗成個treatment完左之後就唔會再嚇人架喇^_^

打完第二日起身覺得d斑真係淡左少少, 尋日去左打第二次, 跟住塊面就出左好多小粒粒, 因為打完激光會加快皮膚生長, 會令底層d 污遭野走出黎, 希望遲d變滑滑啦, 上網見好多人話打5次d斑會去左9成, 我好想知自己無晒斑會變成點^_^

我又中左兩個月standby喇, 中到無晒感覺, 希望唔好call得咁衰啦

我工傷事件完喇, 最後阿公賠左10幾萬俾我, 之前聽d crew講話阿公會反對阿, 又話會搵你傾賠少d得唔得, 再一次令我相信crew講既野係信唔過

仲有兩個月就要confirm晚裝, 所以我要努力減肥

i like this, found it on someones bolg

在若干年後大家在街上看到有個阿嬸拿著垃圾吃得津津有味

又反覆地對路人說自己從前是空姐

那個毫無疑問一定是我

今朝約左美女一齊返公司, 喳喳林換衫既時候收到pinpin MSN我話oasis摺左, 好sad哦, 因為識幾個朋友過左去做, 仲有一個岩岩買左樓添, 大家同學仔一場都有d擔心, 同一時間覺得自己好彩無過到去, 如果唔係我就 '濕熱' 喇, 當時過左去既人講到幾好幾好, 真係無諗過今日搞到有d crew飛左去London唔知幾時先返到黎, 仲差d要自費住酒店同幫襯惡晒飛返香港, 我諗惡晒高層實諳住半邊嘴笑啦, 今次呢件事之後可能惡晒姑會無以前port sick port得咁勁, 因為以前人人都大大聲話最多米去oasis, 宜家大家都無路可逃就只好繼續乖乖咁為惡晒 service straight form the cart啦, 希望受影饗既同事們可以快d搵到新工

好希望工會可以幫我地fight到55歲退休

頂唔順我兩條蟲仔, 上網做左少少research搵到間野做植眉, 有d又叫仿眉柔眉, 唔理佢咩名喇, 總之幫我整條眉丫^_^  呢間野我見係蘋果日報訪問過, 膽粗粗走去試下啦, 個老闆娘好鬼細心, 淨係同我劃都劃左好耐, 又用尺度好個位, 用定色膏整d點點, 初初既時候唔覺得痛, 整到尾皮開用爛就覺得都幾痛喇, 為了靚靚再痛d都無問題頭幾日唔可以濕水, 所以呢兩日都晨早走落樓下洗頭, 今日第3日都仲係好似王小虎咁, 唔知再過幾日甩焦會係點呢??

上個星期俾人call左做JNB, 真係超想port sick, 不過爆鐘所以就捱左佢, 好彩去到無聽電, 更好彩既係俾我遇到呢世人第一次見既奇景, 竟然比我見到落雹阿!!!!  本來一開始係落雨, 房換好衫準備出門口同同事去食飯, 點知雨越落越大, d聲越來越大, 嚇到我門都唔想打開, 不過因為約左d同事所以迫住一定要出門口, 一打開門見到個天黑晒, 望下個地下..........成地都係冰阿!!!! 好大粒, 好似天上面有人倒d石仔落黎咁阿, 世界末日喇!! 好彩落左一陣就停喇, 真係又驚又開心JNB返香港3個豬又繼續standby, 點都估唔到會call我New York!!!!!  諗諗下有無搞錯阿??? 兩班long flight中間得3粒豬??? 打去CC問佢話standby係得禍, 咁好啦, 第二日打去CC port左5日囉

上網睇左d關於駁髮既野, 原來駁髮都幾煩, 比我搵到一樣叫髮片既野, 可以出街時夾真頭髮下面, 就好似駁左髮咁喇, 上網見yahoo有得賣, 不過點都覺得上網買野好鬼煩所以無買到, 點知前幾日同阿呆行女人街比我搵到禍, 買左返屋企試下, 哈哈....好得!!! 叫美女來我屋企試過佢都話得好想買, 睇下過兩日陪佢出旺角買啦

小豬死左之後都無咩心機update日記

前日去左參加基基既婚禮, 當佢地在台上簽紙時,我同蚊仔在台下一樣有同一種感覺, 不過肯定既係呢一刻佢地係心愛對方, 希望佢地幸福快樂, 至於傷了的那個心希望她永遠快樂

唔覺唔覺又到左3月中, 仲有7個月就到我嫁喇, 唔知果日係點既呢?? 唔知我會唔會換款呢?

之前中學同學聚會, 因為我飛完LA返來所以無參加, 希望下次有機會啦

今日行過Perfection又hold左兩套衫, 快d減肥, 唔係著咩都唔好睇